අග්‍රාමාත්‍ය මහින්ද රාජපක්ෂ මහතා ඊයේ (25) මහනුවර ශ්‍රි දළදා මාලිගාවට පැමිණ දන්තධාතූන් වහන්සේ වැද පුදා, මහනායක හිමිවරු බැහැ දැක ආශිර්වාදය ලබාගත්තේ ය.
ආගමික වතාවත්වල නිරතවීමෙන් අනතුරුව මල්වතු මහා විහාරයට පැමිණි අග්‍රාමාත්‍යවරයා මල්වතු පාර්ශවයේ මහනායක අතිපූජ්‍ය තිබ්බටුවාවේ ශ්‍රී සිද්ධාර්ථ සුමංගල හිමියන් බැහැ දැක ආශිර්වාද ලබා ගන්නා ලදී.
අනතුරුව අස්ගිරි මහා විහාරයට පැමිණි අග්‍රාමාත්‍යවරයා අස්ගිරි පාර්ශවයේ මහනනායක අතිපූජ්‍ය වරකාගොඩ ඥාණරතන හිමියන් බැහැ දැක උන්වහන්සේගේද ආශිර්වාද ලබා ගන්නා ලදී.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
