ඒ අනුව නිකවැරටිය මහගිරිල්ල වැව ප්‍රතිසංවර්ධනය කිරීමෙන් ආරම්භ වූ එම ව්‍යාපෘතිය යටතේ මේ වන විට වැව් 349ක් ප්‍රතිසංවර්ධනය කිරීමට පියවර ගෙන ඇත.

“වැව් දහසක් - ගම් දහසක්” ව්‍යාපෘතිය යටතේ 350 වන වැව හා ගම්මානය වශයෙන් තණමල්විල තෙලුල්ල දෙබරආර “මැද වැව” ප්‍රතිසංවර්ධනය කිරිම හෙට (21 දින) කෘෂිකර්ම අමාත්‍ය මහින්ද අමරවිර  මහතා අතින් සිදු කෙරේ. ඒ සඳහා වැය කෙරෙන මුදල රු.මි. 4කි.

කෘෂිකර්ම අමාත්‍යාංශය විසින් ශ්‍රි ලංකාවේ කුඩා වැව් පද්ධතිය ප්‍රතිසංවර්ධනය කිරීම සඳහා මෙම වසරේ වැය ‍කෙරෙන මුදල රු.මි 3500ක් බව කෘෂිකර්ම අමාත්‍ය මහින්ද අමරවිර මහතා පවසයි. එම වැව යටතේ ඇති ගම්මාන ප්‍රතිසංවර්ධනය කිරිමේ වැඩපිළිවෙලක් ද අරඹා ඇති අතර වැව් යටතේ ඇති යටිගං සංවර්ධනය ද සිදු කෙරේ.