දුම්රිය වැඩවර්ජනය ක්‍රියාත්මක වූ  (2018.08.10) දිනයේදීත් අලුයම සිට විශේෂ දුම්රිය 9ක් ක්‍රියාත්මක කර මගී ජනතාවට පහසුකම් සැලසීමට දුම්රිය දෙපාර්තමේන්තුව සමත් වූ බව දුම්රිය අතිරේක දුම්රිය සාමාන්‍යාධිකාරී විජය සමරසිංහ මහතා ප්‍රකාශ කළේය. හලාවත, මහනුවර, මහව, රඹුක්කන, මීරිගම, ගාල්ල, මාතර, අවිස්සාවෙල්ල, අනුරාධපුර - පොලොන්නරුව දුම්රිය අද දිනයේ ධාවනය කළ අතර (10) දින සවස ද කාර්යාල දුම්රිය කිහිපයක් හෝ මගී ජනතාව වෙනුවෙන් ධාවනය කිරීමට දුම්රිය පාලක මැදිරිය විශේෂ උනන්දුවක් ගන්නා බව ද සමරසිංහ මහතා පවසයි.

ඊයේ රාත්‍රියේ ඉන්ධන දුම්රිය 3ක් ද ධාවනය කිරීමට හැකි බව සඳහන් කළ සමරසිංහ මහතා ඒ අතර කොළඹ කටුනායක ඉන්ධන දුම්රිය ධාවනය වූ බව වැඩිදුරටත් සඳහන් කළේය.