සති අන්තයේ ගම් ප්‍රදේශ බලා පිටත්ව යන් මහජනතාවට දුම්රිය වර්ජනය හේතුකොට මුහුණ පෑමට සිදු වී ඇති අපහසුතා මග හැරවීම පිණිස අද (10) පස්වරුවේ දුර ගමන් සඳහා අතිරේක බස් රථ යෙදවීමට ලංකා ගමනා ගමන මණ්ඩලය පියවර ගෙන ඇතැයි එහි සභාපති රමාල් සිරිවර්ධන මහතා පවසයි.
ලංගම බස් රථ දුරගමන් සේවා සඳහා යොදවා යුද හමුදාවෙන් සහ නාවික හමුදාවෙන් ලබා ගෙන තිබෙන බස් රථ කොළඹ හා තදාසන්න ප්‍රදේශවල ධාවනයට යොදවන බව රජයේ නිල පුවත් වෙබ් අඩවිය සමග අද (10) පැවති සාකච්ඡාවකදී සභාපතිවරයා පැවසීය.
අවශ්‍යතරම් බස්රථ යෙදවීම නිසා ඊයේ (9) පස්වරුව පමණ වන විට කොටුව දුම්රිය ස්ථානය අසළ හා පිටකොටුව බස්නැවතුම් පොළේ මගී තදබදයක් නොතිබූ බවත් අද පෙරවරුවේ ද මගීන්ට හොඳ බස් සේවාවක් සැපයීමට ලංගමයට හැකි වූ බවද රමාල් සිරිවර්ධන මහතා කීය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
