ඒ සදහා වන වැඩපිළිවෙල කඩිනමින් සකස්කර ඉදිරිපත් කරන ලෙස රාජ්‍ය අමාත්‍ය දිලිප් වෙදආරච්චි මහතා, ජාතික ජලජිවි වගා සංවර්ධන අධිකාරියට උපදෙස් ලබාදුන්නේය .
ලංකාවේ ජාතික නිෂ්පාදන ක්ෂේත්‍රයේ ප්‍රධාන කර්මාන්ත දෙක අතරට මත්ස්‍ය වගාව සහ මත්ස්‍ය නිෂ්පාදන කර්මාන්තය පත්කිරීම සදහා වන වැඩපිළිවෙල මේ වන විට ආරම්භ කර තිබේ . එම කඩිනම් නව රැකියා සහ ආර්ථික උත්පාදන වැඩපිළිවෙලට සමගාමිව මෙම ජලජිවි පස් අවුරුදු සැලැස්ම සකස් කෙරේ .
මුහුදේ මත්ස්‍ය සම්පත සීග්‍රයෙන් ක්ෂය වෙමින් පැවතීමත් මුහුදේ මත්ස්‍ය අස්වැන්න නෙලාගැනීම සදහා දැරීමට සිදුවන අධික වැය නිසා මත්ස්‍ය වගාව සදහා වඩා වාසිදායක මෙන්ම ඵලදායි බව පර්යේෂණ වලින් තහවුරු වී තිබේ . මේ නිසා ලෝකයේ බොහෝ රටවල් ගොඩබිම මත්ස්‍ය වගාව මගින් වැඩි විදේශ විනිමයක් උපයති . ඒ අනුව ලංකාවේ ජලජිවි වගාව ව්‍යාප්ත කර මත්ස්‍ය වගාව මගින් වැඩි විදේශ විනිමය ප්‍රමාණයක් රටට හිමිකර දීම සදහා මෙම පස් අවුරුදු ජලජිවි වගා වැඩසටහන ක්‍රියාත්මක කිරීමට නියමිතය .
