උපාධිධාරීන්ට රජයේ රැකියා ලබාදීමේ වැඩසටහනේ පළමු අදියර යටතේ 4,000ක් සඳහා එම පත්වීම් ලබාදීමට අමාත්‍ය මණ්ඩල අනුමැතිය ලැබුණු බව සෞඛ්‍ය පෝෂණ හා දේශීය වෛද්‍ය අමාත්‍ය රාජිත සේනාරත්න මහතා පැවසීය.
පළමු අදියර යටතේ අභ්‍යන්තර උපාධිධාරීන්ට මෙම පත්වීම් ලබාදීම සිදු කෙරෙන අතර දෙවන අදියර යටතේ 15,000ක් සඳහා මෙම පත්වීම් ලබාදීමේ සිදු කෙරෙන බව අද (25) පැවති අමාත්‍ය මණ්ඩල තීරණ දැනුම්දීමේ මාධ්‍ය හමුවේදී ඒ මහතා සඳහන් කළේ මාධ්‍යවේදියෙක් ඇසූ ප්‍රශ්නයකට පිළිතුරු දෙමිනි.
එසේ බඳවා ගන්නා පිරිස සඳහා විශේෂ පුහුණුවක් ලබාදීමට ද කටයුතු කෙරෙන බවත් බාහිර උපාධිධාරීන්ටද එම පත්වීම් ලබාදෙන බවත් අමාත්‍යවරයා වැඩිදුරටත් පැවසීය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
