කොළඹ, ටී.බී ඡායා මාවතේ පිහිටි ආර්ථික සංවර්ධන අමාත්‍යාංශ ශ්‍රවණාගාරයේ දී වැඩමුළුව ආරම්භ කෙරේ.
මෙම අවස්ථාවට ආරක්ෂක, නීතිය හා සාමය, කෘෂිකර්ම, ආපදා කළමණාකරණ, විදේශ කටයුතු, නීතිපති දෙපාර්තමේන්තු යන ආයතනවල ප්‍රධානීන් ද සහභාගි වෙයි.
2007 වසරේ ජාත්‍යන්තර සෞඛ්‍ය රෙගුලාසි ප්‍රඥප්තිය ලෝක සෞඛ්‍ය සංවිධානය සකස් කළ අතර, ඊට රටවල් 193 ක් අත්සන් කර ඇත. ශ්‍රී ලංකාව ද එම ප්‍රඥප්තියට අත්සන් කර තිබේ. ජාත්‍යන්තර සෞඛ්‍ය රෙගුලාසි සකස් කිරීමේ මුලික අවශ්‍යතා ශ්‍රී ලංකාව සපුරා ඇත් ද යන්න පිළිබදව මෙම වැඩමුළුවේ දී විමර්ශනය කරනු ලබයි. ඒ සඳහා බාහිර පාර්ශ්ව ද එක්වීමට නියමිතය. මෙම වැඩමුළුව ලබන 23 දින අවසන් වෙයි.