නව රජයේ ප්‍රාථමික කර්මාන්ත කැබිනට් අමාත්‍යවරයා ලෙස පත් වූ එක්සත් ජාතික පක්ෂයේ ජාතික සංවිධායක දයා ගමගේ මහතා සහ නියෝජ්‍ය අමාත්‍ය වෛද්‍ය අනෝමා ගමගේ මහත්මිය වෙත සිය සුභපැතුම් එක්කළ කියුබානු තානාපතිවරයා එම දෙපළගේ ඉදිරි කටයුතු වෙනුවෙන් සිය ආශිර්වාදය ද එක් කළේය.
ඉදිරියේ දී ප්‍රාථමික කර්මාන්ත අමාත්‍යාංශය මඟින් දියත් කිරීමට නියමිත වැඩසටහන් සඳහා තම රජයේ පූර්ණ සහාය ලබා දීමට අවශ්‍ය මැදිහත්වීම් සිදු කිරීමට තමා අපේක්ෂා කරන බව ද තානාපතිවරයා මෙහිදී කියා සිටියේය.
මෙහිදී අදහස් දැක්වූ දයා ගමගේ අමාත්‍යවරයා කියා සිටියේ මෙරට වගා කෙරෙන අපනයන බෝග සඳහා ජාත්‍යන්තර වෙළඳපොළ පුළුල් කිරීමේ ක්‍රියාවලියේ දී කියුබාව ඇතුළු කලාපීය රටවල සහාය ද ඉතා වැදගත් වනු ඇති බවයි.
මෙම අවස්ථාවට ප්‍රාථමික කර්මාන්ත අමාත්‍යාතුමාගේ උපදේශක ආචාර්ය අරුණ කුලතුංග මහතා ඇතුළු දෙපාර්ශවයේ නියෝජිතයින් පිරිසක් ද සහභාගීව සිටියහ.
SDF
