හිටපු නාවික හමුදාපතිවරයෙක් වන ජයන්ත පෙරේරා මහතා වසර 37ක නාවික සේවා කාලයක් සහිත නාවික ජ්‍යෙෂ්ඨ නිලධාරියෙකි. 1978 වර්ෂයේ කැඩෙට් නිලධාරියෙක් ලෙස නාවික හමුදාවට සම්බන්ධ වන ඒ මහතා සිය සේවය අවසන් කරන්නේ ශ්‍රී ලංකා නාවික හමුදාවේ 19 වැනි නාවික හමුදාපතිවරයා ලෙසයි.
ජයන්ත පෙරේරා මහතා සිය දීර්ඝ සේවා කාලය තුළ සම්මාන විශාල ප්‍රමාණයකට හිමිකම් කියන අතර රණවික්‍රම, විශිෂ්ඨ සේවා සහ උත්තම සේවා පදක්කම් ඒ අතර වේ. තවද ඒ මහතා ආරක්‍ෂක විද්‍යාව විෂයය සඳහා විද්‍යාපති උපාධිධාරියෙකි.
