නව රජයේ ඉඩම් අමාත්‍යධූරයෙන් පිදුම් ලැබූ අමාත්‍ය එම්.කේ.ඩී.එස්. ගුණවර්ධන මහතා අද (09) සුබ මොහොතින් බත්තරමුල්ලේ, පිහිටි ඉඩම් අමාත්‍යාංශයේ දී රාජකාරී ආරම්භ කළේ ය.
මහා සංඝරත්නයේ ආශිර්වාදය මැද අමාත්‍යවරයා රාජකාරී ආරම්භ කරමින් සිය අත්සන සටහන් කළේ ය.
මේ අවස්ථාවට අමාත්‍යවරුන් වන, එස්.බී දිසානායක, අර්ජුන රණතුංග යන මහත්වරු, පොලිස්පති එන්.කේ.ඉලංගකෝන් මහතා, ඉඩම්
අමාත්‍යාංශයේ ලේකම් ආචාර්ය අයි.එච්.කේ. මහනාම මහතා ඇතුළු අමාත්‍යාංශ නිලධාරීහූ, විශේෂ ආරාධිත අමුත්තන් රැසක් එක්ව සිටියහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
