ගුවන් හමුදා පුහුණු අධ්‍යක්‍ෂක එයාර් වයිස් මාර්ෂල් එන් එචි වී ගුණරත්න විසින් පැමිණ සිටි නියෝජිත පිරිස ශී‍්‍ර ලංකා ගුවන් හමුදා මුලස්ථානය වෙත පිළිගන්නා ලදී. මෙහිදී ගෲප් කැප්ටන් ලසිත සුමනවීර විසින් ශී‍්‍ර ලංකා ගුවන් හමුදාවේ කාර්යභාරය හා අනාගත සැලසුම් පිළිබඳව දේශනයක් පවත්වන ලදී. අනතුරුව මෙම නියෝජිත පිරිසට ගුවන් හමුදාධිපති එයාර් මාර්ෂල් ගගන් බුලත්සිංහල මහතා හමුවීමට අවස්ථාව උදාවිය.
සමාප්තිය සනිටුවහන් කරමින් මේජර් ජෙනරල් රාකේෂ් ප‍්‍රතාප් සිං බදුරියා විසින් ගුවන් හමුදාධිපති එයාර් මාර්ෂල් ගගන් බුලත්සිංහල මහතා වෙත සමරු ඵලක ප‍්‍රධානයක් සිදු කිරීමෙන් අනතුරුව ගුවන් හමුදාධිපතිතුමන් විසින් මේජර් ජෙනරල් රාකේෂ් ප‍්‍රතාප් සිං බදුරියා වෙත සමරු ඵලක ප‍්‍රදානයක් සිදු කරන ලදී. අධ්‍යක්‍ෂක මණ්ඩලයේ සාමාජිකයන් පිරිසක් මෙම අවස්ථාවට සහභාගී වූහ.
