ඒ අනුව දීප ව්‍යාප්ත මට්ටමින් පාසල් සිසුන්, සේවක දූ දරුවන් අතර මෙන් ම තැපැල් සේවකයන් අතර චිත්‍ර හා රචනා තරග පැවැත්වීම, කාර්යක්ෂම නිලධාරීන් හා කාර්යාල තේරීම, වැඩිම ආදායමක් රැසක් කළ තැපැල්කරුවන් ඇගයීමට ලක් කිරීම, දෙපාර්තමේන්තු කාර්ය මණ්ඩල අතර ක්‍රීඩා තරග පැවැත්වීම, සේවක පුහුණු වැඩසටහන් ක්‍රියාත්මක කිරීම, තැපැල් කාර්යාල මට්ටමින් විවිධ ප්‍රජා වැඩසටහන් ක්‍රියාත්මක කිරීම, ලෝක තැපැල් දින සැමරුම් උත්සව පළාත් මට්ටමින් පැවැත්වීම ආදී වැඩසටහන් රැසක් මේ යටතේ සිදු කිරීමට නියමිතය.
මෙම සියලු තරග පළාත් මට්ටමින් පවත්වනු ලබන අතර පළාත් තරගවලින් ජයගන්නා පළමු, දෙවන හා තෙවන ස්ථාන සඳහා සහතික පත් ප්‍රදානය කිරීම ලෝක තැපැල් දින ජාතික දින උළෙලේ දී සිදු කෙරේ.
2015 ලෝක තැපැල් දින සැමරුම් උළෙල ඔක්තෝම්බර් 09දා කොළඹ කේන්ද්‍රකරගනිමින් පැවැත්වීමට නියමිතය.
