මෙම දූත පිරිස ජර්මානු පාර්ලිමේන්තුවේ ආර්ථික සහයෝගිතාව හා සංවර්ධනය සඳහා වන කාරක සභාවේ සභාපතිනි පාර්ලිමේන්තු මන්ත්‍රී ඩැග්මාර් වොර්ල් මහත්මියගේ (Dagmar Wöhrl) සහ ආර්ථික සහ බලශක්ති කමිටුවේ සභාපති සහ පාර්ලිමේන්තු මන්ත්‍රී, ආචාර්ය පීටර් රැම්සෝර් මහතාගේ (Peter Ramsauer) ප්‍රධානත්වයෙන් යුතුව මෙහි පැමිණ තිබේ.
මෙම සංචාරය අතරතුර මෙම දූත පිරිස අග්‍රාමාත්‍ය රනිල් වික්‍රමසිංහ ඇතුළුව විදේශ කටයුතු අමාත්‍ය, සෞඛ්‍ය හා දේශීය වෛද්‍ය අමාත්‍ය, විදුලිබල හා බලශක්ති අමාත්‍ය, මහාමාර්ග හා ආයෝජන ප්‍රවර්ධන අමාත්‍ය, සහ ප්‍රතිපත්ති සංවර්ධන හා ආර්ථික කටයුතු නියෝජ්‍ය අමාත්‍ය යන මහත්වරු සමඟ සාකච්ඡා පවත්වති.
එසේම ඔවුන් උතුරු පළාතේ සංචාරයක ද නිරත විය. මෙම සංචාරය, ශ්‍රී ලංකාව තුළ ආයෝජනය කිරීමට ඇති ඉඩකඩ සහ සුදුසු ආයෝජන කලාප හදුනාගැනීමට ජර්මානු ව්‍යාවසායකයින් දිරිගැන්වීම මෙම සංචාරයේ ප්‍රධාන අරමුණ බව විදේශ කටයුතු අමාත්‍යංශය වැඩිදුරටත් පැහැදිලි කරයි.
SDF
