පසුගියදා (29) නයිජීරියානු නව ජනපති මොහොමදු බුහාරි මහතාගේ දිවුරුම් දීමේ උත්සවයට ශ්‍රී ලංකා ජනාධිපති මෛත්‍රිපාල සිරිසේන මැතිතුමාට ද ආරාධනා කළ බවත් ජනාධිපතිතුමාගේ විශේෂ රාජ්‍ය නියෝජිතයෙකු ලෙස අමාත්‍ය ඒ.එච්.එම්. ෆවුසි මහතා එම උත්සවයට සහභාගි වී ජනාධිපතිතුමාගේ විශේෂ සුභිශිංසනය එතුමාට පිළිගැන්වූ බවත් විදේශ කටයුතු අමාත්‍යංශයේ ප්‍රකාශකාව අද (03) විදේශ කටයුතු අමාත්‍යංශයේ පැවති පුවත්පත් සාකච්ඡාවේ දී ප්‍රකාශ කළාය.
පසුගියදා (මැයි 28) නයිජීරියාවේ පැවති ජනාධිපතිවරණයෙන් පත් වූ හිටපු හමුදා පාලකයකු වන බුහාරි නයිජීරියාවේ නව ජනාධිපතිවරයා ලෙස පත්වූයේ හිටපු ජනපති ගුඩ්ලක් ජොනතන් පරාජයට පත් කරමිනි. ගුඩ්ලක් ජොනතන් 2010 වසරේ සිට එරට පාලනය කළේය.
1960 වසරේ නයිජීරියාවට නිදහස ලැබිමෙන් පසුව එරට විපක්ෂයෙන් පත්වූ පළමු ජනාධිපතිවරයා බුහාරි මහතාය.
SDF
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
