රට තුළ ඒඩ්ස් ආසාදිතයින් 2,133ක් හෙළිදරව් වී ඇතැයි ලිංගිකව සම්ප්‍රේෂණය වන රෝග විශේෂඥ වෛද්‍ය දර්ශනී විජේවික්‍රම මහත්මිය පවසයි. පූර්ව ආරක්ෂාව සඳහා පියවර ගෙන නොමැති නම්, සෑම රටකම ජනතාව එච්.අයි.වී වෛරසයට ගොදුරු වීමේ අවදානමක් තිබෙන බව ඇය සඳහන් කළේය.
ලොව පුරා එච්.අයි.වී ආසාදිත පුද්ගලයන් මිලියන 34 ක් වාර්තා වී ඇති අතර ඉන් මිලියන 23ක්ම අප්‍රිකානු රටවල පුද්ගලයන් බව ඇය සඳහන් කළේය. 1989 දී ප්‍රථම වරට ශ්‍රී ලංකාව තුළ ඒඩ්ස් රෝගියෙකු වාර්තා වූ බව ද ඇය තවදුරටත් පැහැදිලි කළේය.
වෛද්‍ය විජේවික්‍රම මහත්මිය පැවසුවේ සෑම වසරකම රෝගීන් සංඛ්‍යාව වැඩි වෙමින් තිබෙන බවයි. ඔවුන්ගෙන් බහුතරයක් පුරුෂයන් වේ. ඇය වැඩිදුරටත් ප්‍රකාශ කළේ එච්.අයි.වී වෛරසය ආසාදිත වී වසර 10 කට පමණ පසු රෝග ලක්ෂණ වර්ධනය වන බවයි.
SDF
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
