ඉන්ෆ්ලුවන්සා පැතිර යාමේ අවධානම හේතුවෙන් විශේෂයෙන් ම මුව ආවරණ භාවිත කිරීම, දෑත් සබන් යොදා පිරිසිදුව තබා ගැනීම, යන කාරණා පිළිබඳව ජනතාව අවධානය යොමු කරන ලෙස මහජන සෞඛ්‍ය පරීක්ෂකවරුන්ගේ සංගමයේ ලේකම් සෙනරත් බණ්ඩාර මහතා පවසයි.
ඉන්ෆ්ලුවන්සා රෝගය පිළිබඳව පසුගිය දා වසංගත රෝග විද්‍යා ඒකකයේ පැවැති මාධ්‍ය හමුවේ දී අනාවරණය වූයේ, 2015 වසර තුළ ආසාදනයට ලක්වූ රෝගීන් 143ක් වාර්තා වූ බවයි. මේ වනවිට ඉන්ෆ්ලුවන්සා හේතුවෙන් රෝගීන් 07ක් මියගොස් ඇති බව සෞඛ්‍ය සේවා අධ්‍යක්ෂ ජනරාල් වෛද්‍ය පාලිත මහීපාල මහතා පවසයි.
ඉන්ෆ්ලුවන්සා රෝගය පැතිරීම වැලැක්වීම සඳහා ගත හැකි සෑම පියවරක් ම ගෙන ඇති බවත් සියලු රෝගල් ඒ පිළිබඳව දැනුවත් කර ඇති බවත් වෛද්‍ය පාලිත මහීපාල මහතා පවසයි.
