වසර 450ක පමණ ඉතිහාසයක් පවතින මේ පෙරහර මංගල්‍යය කතරගම දෙවියන් හා පත්තිනි මෑණියන් උදෙසා පවත්වනු ඇත. අද (27) හා හෙට (28) දේවාල ඇතුළු පෙරහර පැවැත්වෙන අතර අනිද්දා (29) සිට සැප්තැම්බර් 02 දින දක්වා කුඹල් පෙරහර පැවැත්වේ. සැප්තැම්බර් 03 සිට 07 දින දක්වා රන්දෝලි පෙරහර පැවැත්වීමට නියමිත බව ගලෙන්බිඳුණු වැව ඓතිහාසික හුරුළු කතරගම මහා දේවාලයේ දේවාලයේ බස්නායක නිලමේ උදේනි බණ්ඩාර ඉලංගසිංහ මහතා පැවසීය.

රන්දෝලි පෙරහර ඓතිහාසික දේවාල භූමියෙන් ආරම්භ කර යකල්ල මාර්ගයෙන් ගමන් කොට නැවත දේවාල භූමියට පිවිසීමට නියමිතය. සැප්තැම්බර් 08 දින හුරුළු වැවේ දිය කැපීමේ උත්සවයෙන් පෙරහර මංගල්‍යය අවසන් වන අතර එදින රාත්‍රී සර්ව රාත්‍රික පරිත්‍රාණ ධර්ම දේශනයක් ද පසුදින එනම් සැප්තැම්බර් 09 උදෑසන මහා සංඝරත්නය විෂයෙහි දානමය පිංකමක්ද සිදු කරන බව බස්නායක නිලමේවරයා පැවසීය.

NDH/WK-BG dmu polonnaruwa