සංස්කෘතික කටයුතු දෙපාර්තමේන්තුව විසින් 2021 වර්ෂයේදී උසස් ප්‍රමිතියකින් යුත් නවකතා, කෙටිකතා, පද්‍ය සංග්‍රහ, ළමාකතා, ඉතිහාසය, සංස්කෘතිය, පුරාවිද්‍යාව, නාට්‍ය කලාව, සෞන්දර්ය, ජනශ්‍රැතිය, නර්තනය, සංගීතය, චිත්‍ර හා මුර්ති, සිනමා, ඡායාරූප යන විෂයයන්ට අදාළ ශාස්ත්‍රීය හෝ පර්යේෂණ නිර්මාණ රාජ්‍ය මට්ටමින් ප්‍රකාශයට පත්කර එම නිර්මාණ ක්ෂේත්‍රවල නිරතව සිටින “නවක ලේඛක ලේඛිකාවන්” දිරිමත් කිරීම අරමුණු කොටගෙන ජාතික අත්පිටපත් තරගයක් සිංහල, දමිළ හා ඉංග්‍රීසි මාධ්‍යයන්ගෙන් සංවිධානය කිරීමට තීරණය කර ඇත.
මේ සදහා නිර්මාණ භාරගැනීම මාර්තු මස 10 වෙනි දිනෙන් අවසන් වේ. එම නිර්මාණ සංස්කෘතික කටයුතු අධ්‍යක්ෂ, සංස්කෘතික කටයුතු දෙපාර්තමේන්තුව (ප්‍රකාශන අංශය), 08 වෙනි මහල, සෙත්සිරිපාය, බත්තරමුල්ල, යන ලිපිනයට ගෙනැවිත් භාරදිය යුතුය.
අත්පිටපත් බහා එවන කවරයේ ඉහළ කෙළවරේ “ජාතික අත්පිටපත් තරගය 2021” යනුවෙන් සදහන් කළ යුතු අතර මේ පිළිබද වැඩිපුර විස්තර 011-2882667 යන දුරකතන අංකයෙන් හෝ www.culturaldept.gov.lk යන වෙබ් අඩවියට පිවිසීමෙන් දැනගත හැකිය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
