දේශීය සිනමාවට වසර 74ක් පිරීම සහ චිත්‍රපට සංස්ථාවට වසර 49ක් සපිරීම පෙරදැරිව දේශීය සිනමා වංශකතාවේ නව පරිච්ඡේදයක් සනිටුහන් කරමින් චිත්‍රපට සංස්ථාවේ නවීකරණය කරන ලද නව සංස්කරණ මැදිරිය සහ පසු නිෂ්පාදන ඒකකය ප්‍රවීණ සිනමා කලාකරු ටයිටස් තොටවත්තයන්ගේ නමින් අද දින (21) පෙරවරු 10 ට යෙදුණු සුභ මොහොතින් දළුගම සරසවි චිත්‍රාගාරයේදී විවෘත කෙරිණි.
මෙම මැදිරි සංකීර්ණය විවෘත වූයේ ටයිටස් තොටවත්තයන්ගේ පුත්‍රයා වන විනිසුරු දමිත් තොටවත්ත මහතා, චිත්‍රපට සංස්තාවේ සභාපති ජයන්ත ධර්මදාස මහතා ඇතුළු අධ්‍යක්ෂ මණ්ඩලයේ නිලධාරීන්, සිනමාවේදීන් හා කලාකරුවන් ඇතුළු ක්ෂේත්‍රයේ ප්‍රවීණයන් රැසකගේ සහභාගීත්වයෙනි.
පටලපට සිනමාවේ දීප්තිමත් පසු නිෂ්පාදන ඒකකය ලෙස පැවති දළුගම සරසවි චිත්‍රාගාරයේ නූතන ඩිජිටල් යුගයට පරිවර්තනය වෙමින් සිදුකළ මෙම නව එළඹුම තුළින් සිනමාලෝලීන්ගේ බලාපොරොත්තු මල්පළ ගැන්වෙන අතරම ඔවුන්ගේ රසවින්දනයේ නිම් වළලු පුළුල් වනු නොඅනුමානය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
