එදින ප්‍රවීණ ගේයපද රචක බණ්ඩාර ඇහැලියගොඩගේ සංස්කරණය කරන ලද ආචාර්ය පණීභාරතයන් පිළිබඳ ලියැවුණු “ගුරුදේව පණීභාරත” ග්‍රන්ථය ජනගත කිරීම හා සමරු මුද්දරයක් නිතුක් කිරීමට කටයුතු යොදා ඇත.
ඉන්දියාවේ ශාන්ති නිකේතනයේ හා කේරළයේ කලා මණ්ඩලයේ අධ්‍යාපනය ලද එතුමා ශ්‍රී ලංකාවේ සෞන්දර්ය ආයතනයේ ප්‍රධානියා ලෙස වසර ගණනාවක් කටයුතු කළ අතර උඩරට ,පහතරට, සබරගමු යන සම්ප්‍රදායන් තුනම ප්‍රගුණ කර ඇත. ගැමි නැටුම්, නාරිලතා ,ගොයම් කැපීම, වැනි නර්තන හා හත්පත්තිනි , පොරපොල් පිටිය, ග්‍රහ අපලය වැනි මුද්‍රා නාට්‍යයද නිර්මාණය කළ එතුමා දක්ෂ වාදකයෙකු, කථක් හා මණිපුරි ශිල්පියෙක් ද වන අතර චිත්‍ර ශිල්පයට හා මෘදංගම් වාදනයට ඉමහත් දක්ෂතාවයක් දැක්වු අතර එතුමා ප්‍රවීණ බලි ඇදුරකුද වේ.
