කල්මුණේ ඉපැරණි හින්දු කෝවිලක් වන තරවෛපිල්ලෙයාර් කෝවිලේ ප්‍රතිසංස්කරණයෙන් අනතුරුව, ඉතා උත්කර්ෂවත් අන්දමින් පැවැත්වුණු ආගමික උත්සවය ඊයේ (31) නිමාවට පත්විය.
බ්‍රහස්පතින්දා පැවති විශේෂ පූජාවෙන් අනතුරුව ප්‍රතිමාවන් රැගෙන වීදි සංචාරයේ යෙදුණු බැතිමත්හු කල්මුණේ ප්‍රධාන මාර්ගය ඔස්සේ කෝවිලට ළඟා වූහ. තෙදිනක් පුරා මෙම පූජෝත්සවය අම්පාර, කල්මුණේ, කල්මුණේකුඩි සීමාවේ පිහිටි තරවෛපිල්ලෙයාර් කෝවිල් පරිශ්‍රයේදී පැවැත්විණි.
මෙම ආගමික වත්පිළිවෙත්වලට සමගාමීව දින 41ක් එක දිගට තරවෛපිල්ලෙයාර් කෝවිලේ පූජාව පැවැත්වුණු අතර බැතිමත්හු විශාල පිරිසක් එයට සහභාගී වූහ.
UW_ku
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
