කොළඹ ජාතික රෝහලේ ප්‍රධාන විකිරණ අංශයේ සිදු කරන ලද පටකවේදී පරීක්ෂණ මාස 04 ක කාලයක සිට සම්පුර්ණයෙන්ම නතර කර ඇති බවට මාධ්‍ය මගින් පළ කල වාර්තා කෙරෙහි සෞඛ්‍ය, පෝෂණ හා දේශිය වෛද්‍ය අමාත්‍යාංශයේ අවධානය යොමු වී ඇත.
ඒ පිළිබදව කරුණු දක්වන කොළඹ ජාතික රෝහලේ නියෝජ්‍ය අධ්‍යක්ෂ ජනරාල් වෛද්‍ය කුමාර වික්‍රමසිංහ මහතා ප්‍රකාශ කළේ මාස 04 ක කාලයක් පරික්ෂණ නතර කර නොතිබුන බවයි.
සෞඛ්‍ය අමාත්‍යාංශයේ වෛද්‍ය සැපයුම් අංශයේ ටෙන්ඩර් පටිපාටියට අනුව එම පරීක්ෂණ සදහා අවශ්‍ය ඉදිකටු වර්ගය ලබාගැනීමේ ප්‍රමාදයක් තිබූ බැවින් මෙම තත්ත්වය උදා වි ඇත. එහෙත් ප්‍රාදේශීය මිලදී ගැනීම් හරහා අවශ්‍ය ඉදිකටු වර්ගය ලබාගෙන තිබේ. (09) දින සිට ජාතික රෝහලේ ප්‍රධාන විකිරණ අංශයේ පටකවේදී පරීක්ෂණ යළි ආරම්භ කළ බව නියෝජ්‍ය අධ්‍යක්ෂ ජනරාල්වරයා පවසයි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
