(දෙවන යාවත්කාලීන කිරීම - වීඩියෝ) මේ අය-වැයෙන් ජනාධිපතිතුමා පළාත් පාලන ආයතනවලට, මාසයකට රුපියල් මිලියන 2ක් ලබා දෙන්නටත් පාරවල් හදන්නට, යටිතල පහසුකම් ලබා දෙන්නට රුපියල් මිලියන10,000කට වැඩි මුදලක් වෙන් කර තිබෙන බවත් පළාත් පාලන හා පළාත් සභා අමාත්‍ය ඒ.එල්.එම්. අතාවුල්ලා මහතා පැවසීය.

මේ රටේ පුවත් පත් සඟරා 185කට වඩා වැඩි ප්‍රමාණයක් ලියා පදිංචි වෙලා තිබෙනවා. මේ රටේ රූපවාහිනී නාලිකා 20ක් තිබෙනවා. මේ රටේ ගුවන්විදුලි නාලිකා 48ක්, 50ක් විතර තිබෙනවා. මේවා අතරින් රජය සතුව පවතින්නේ රූපවාහිනී නාලිකා දෙකක් හා ගුවන්විදුලි නාලිකා දෙකක් පමණක් යැයි ජනමාධ්‍ය හා ප්‍රවෘත්ති අමාත්‍ය කෙහෙළිය රඹුක්වැල්ල මහතා පැවසීය.

යුරෝපීය අධිකරණයේ නඩු තීන්දුව පදනම් වී තිබෙන්නේ, පටිපාටක සාධක අනුව බවත් අප කෙළින්ම එතැනට යෑමෙන් විශේෂ වාසියක් සිදු නොවන අතර ඉන් අපේ මාතෘ භූමියේ ස්වාධිපත්‍යය, අභිමානය, ආත්මගරුත්වය සම්බන්ධයෙන් සිදු වන අවාසිය, වාසියට වඩා අතිවිශාල එකක් වන බවත් විදේශ කටයුතු අමාත්‍ය මහාචාර්ය ජී.එල්. පීරිස් මහතා පාර්ලිමේන්තුවේ දී පැවසීය.

(දෙවන යාවත්කාලීන කිරීම - වීඩියෝ) මේ රටේ ඉතිහාසයේ ක්‍රීඩාවට වැඩි ම මුදලක් ලබා දී ඇත්තේ වත්මන් ජනාධිපති මහින්ද රාජපක්ෂ මැතිතුමාගේ යුගයේදී බවත් කිලිනොච්චිය, ත්‍රීකුණාමලය, මඩකළපුව, මාතර අම්පාර ඉදිකරමින් පවතින ගෘහස්ථ ක්‍රීඩාංගණ ලබන මස විවෘත කරන බවත් ක්‍රීඩා අමාත්‍ය මහින්දානන්ද අලුත්ගමගේ මහතා පවසයි.

(දෙවන යාවත්කාලීන කිරීම - වීඩියෝ) දීර්ඝ කාලීන වැඩපිළිවෙළ යටතේ අපේ ක්‍රීඩාව ඉදිරියට පැමිණි ඇති බවත් ප්‍රශ්නයක් ඇති විට වෘත්තීය මට්ටමින් ක්‍රියාත්මක වී  ඒ මොහොතේ ම කතා කර විසඳන බවත් තැපැල් සේවා නියෝජ්‍ය අමාත්‍ය සනත් ජයසූරිය මහතා පවසයි.

(දෙවන යාවත්කාලීන කිරීම - වීඩියෝ) 2008 සිට අද දක්වා වොලිබෝල් ක්‍රීඩාව ජාත්‍යන්තර ජයග්‍රහණ රැසක් ලබා ගෙන ඇති බවත් ඒ සඳහා ක්‍රියාත්මක වැඩපිළිවෙළ දිගට ම ගෙන යන බවත් විදේශ රැකියා ප්‍රවර්ධන  හා සුබසාධන අමාත්‍ය ඩිලාන් පෙරේරා පවසයි.

පළාත් පාලන ආයතනවල නගරාධිපතිවරුන්, නගර සභාපතිවරුන් හා ප්‍රාදේශීය සභා සභාපතිවරුන් ඇතුළු මහජන නියෝජිතයින්ගේ දීමනා වැඩි කිරීමට රජය තීරණය කර ඇති බව පළාත් පාලන හා පළාත් සභා අමාත්‍ය ඒ.එල්.ඒ.එම්. අතාවුල්ලා මහතා අද (15) පාර්ලිමේන්තුවේදී පැවසීය.