රාජපක්ෂ ජනාධිපතිතුමාගේ අය-වැය ජනතාවට යහපතක් වී ඇති බවත් අද උතුරේ ආර්ථිකය නංවාලීමට රජය විශාල ආයෝජනයක් සිදුකර ඇති බවත් පාර්ලිමේන්තු මන්ත්‍රී සජින් ද වාස් ගුණවර්ධන මහතා පවසයි.

නගරය අලංකාර කිරීම හරහා ජනතාව නිරෝගී පුද්ගලයන් බවට පත් කිරීමට පියවර ගැනීම සතුටුදායක බවත් ආරක්ෂක අමාත්‍යාංශයේ වැය ශීර්ෂයෙන් වැඩි ම මුදලක් වැයවෙන්නේ වැටුප් ගෙවීමට බවත් කම්කරු හා කම්කරු සබඳතා නියෝජ්‍ය අමාත්‍ය සරත් වීරසේකර මහතා පවසයි.

තම දේශපාලන පක්ෂවල වාසිය, ප්‍රයෝජනය වෙනුවෙන් අහිංසක ජනතාවගේ දුප්පත්කම පාවිච්චි කරන්න හදන්න එපා යැයි අග්‍රාමාත්‍ය ආචාර්ය දි.මු. ජයරත්න මහතා පවසයි.

පොලිස් සේවය නවීකරණය කරමින් මහජනයාට මිත්‍රශීලී සේවයක් බවට පොලිස් සේවය පත් කරන බවට මහින්ද චින්තනය දුන් පොරොන්දු ඉටු කරමින් සිටින බව දිගාමඬුල්ල දිස්ත්‍රික් පාර්ලිමේන්තු මන්ත්‍රිනී ශ්‍රියාණි විජේවික්‍රම මහත්මිය පැවසුවාය.

විසුරුවා හැරීමෙන් පසු ආණ්ඩුවෙන් විපක්ෂයට යාම කෙසේ වෙතත් ආණ්ඩුවට විසුරුවා හැරීමට පෙර ආණ්ඩුවට විපක්ෂයෙන් පිරිසක් එන බව සභානායක, වාරිමාර්ග හා ජල කළමනාකරණ අමාත්‍ය නිමල් සිරිපාල ද සිල්වා මහතා පවසයි.

පොලිස් නිලධාරීන්ට ලබා දෙන පුහුණුව විධිමත් කළ යුතු බවත් ඔවුන්ට ආත්මාරක්ෂක වැඩපිළිවෙළක් ඇති කළ යුතු බවත් බුද්ධශාසන හා ආගමික කටයුතු පිළිබඳ නියෝජ්‍ය අමාත්‍ය එම්.කේ.ඒ.ඩී.එස්. ගුණවර්ධන මහතා පවසයි.

සාධාරණය ඉටුකරන ජ්‍යේෂ්ඨ පොලිස් නිලධාරීන් උතුරුකරයේ කටයුතු කරන බවත් දැන් මුළු රට ම එක ම නීතියක් යටතට පැමිණ තිබෙන බවත් නියෝජ්‍ය කාරක සභා සභාපති, පාර්ලිමේන්තු මන්ත්‍රී චන්ද්‍රකුමාර් මුරුගේසු මහතා පවසයි.

විනය ගරුක රටක් බිහිකිරීම නීතිය හා සාමය පිළිබඳ අමාත්‍යාංශයේ වගකීමක් බවත් මේ රටේ අපි හැමෝ ම සහජීවනයෙන් සිටිය යුතු බවත් අග්‍රාමාත්‍ය ආචාර්ය දි.මු. ජයරත්න මහතා පවසයි.