ඊයේ පෙරවරු 10.00 සිට පස්වරු 12.30 දක්වා ධීවර හා ජලජ සම්පත් සංවර්ධන අමාත්‍යාංශයේ වැය ශීර්ෂය විවාදයට ගත් අතර පස්වරු 1.00 සිට පස්වරු 6.30 දක්වා ජල සම්පාදන හා ජලාපවහන අමාත්‍යාංශයේ හා වාරිමාර්ග හා ජල සම්පත් කළමනාකරණ අමාත්‍යංශයේ වැය ශීර්ෂයන් විවාදයට ගැනිණි.

අනතුරුව කාරක සභා අවස්ථාවේ විවාදය අවසන් වීමෙන් පසු ව ධීවර හා ජලජ සම්පත් සංවර්ධන අමාත්‍යාංශයට අයත් වැය ශීර්ෂ අංක 139 සහ 290, ජල සම්පාදන හා ජලාපවහන අමාත්‍යාංශට අයත් වැය ශීර්ෂ අංක 166, වාරිමාර්ග හා ජල සම්පත් කළමනාකරණ අමාත්‍යාංශයට අයත් වැය ශීර්ෂ අංක 119 සහ ඛනිජතෙල් කර්මාන්ත අමාත්‍යාංශට අයත් වැය ශීර්ෂ අංක 152 හා 282ට මූලාසනයෙන් සභාවේ එකඟත්වය විමසීමෙන් පසු ව එයට අනුමැතිය පළවිය.

අනතුරු ව යළි පාර්ලිමේන්තුව රැස්විණි. එහිදී ඉහත අමාත්‍යංශ හතරට අයත් වැය ශීර්ෂයන් කාරක සභා අවස්ථාවේ සලකා බලා සම්මත වූ බව සභාවට දැනුම් දෙන ලදී.
 

HC/NDH