පකිස්තානයේ පෙෂාවෝර් හි ත්‍රස්ත ප්‍රහාරයෙන් මියගිය පුද්ගලයන් සිහිකර ඉටි පහන් දැල්වීමේ අවස්ථාවක් අද (19) පස්වරු 06.00ට කොළඹ විහාර මහාදේවී උද්‍යානයේ දී පැවැත්වේ. ශ්‍රී ලංකාවේ පකිස්තානු මහ කොමසාරිස් කාර්යාලයේ ප්‍රධානත්වයෙන්, ශ්‍රී ලාංකීකයන් හා නේවාසික පකිස්තානු වැසියන් එක්ව මෙය සංවිධානය කර ඇත.
පකිස්තානයේ පෙෂාවෝර් හි පාසලකට පසුගියදා (16) එල්ල වූ අමානුෂික ත්‍රස්ත ප්‍රහාරයකින් අහිංසක දරුවන් 84ක් ඇතුළු 125කට අධික පිරිසක් මරණයට පත් කළ අතර 100කට අධික පිරිසකට තුවාල සිදුකරන ලදී.
මිනිත්තු දෙකක කාලයක නිෂ්ශබ්දතාවය රැකීමෙන් අනතුරුව ශෝකය ප්‍රකාශ කර ඉටිපන්දම් දැල්වීම මෙහි දී සිදු කිරීමට සැලසුම් කර ඇත.
ශ්‍රී ලාංකීකයන් හා ශ්‍රී ලංකාවේ පකිස්තානු නේවාසිකයින් සිය පවුලේ සාමාජිකයින් හා හිතමිතුරන් සමඟ මෙම අමානුෂික ප්‍රහාරය හෙළා දකිමින් විනාශ වූ ජීවිත සිහි කිරීමට මෙම අවස්ථාවට සහභාගී වීමට නියමිතය.
SDF
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
