මේ වන විට මහ කොමසාරිස්වරයා වෛද්‍ය ප්‍රතිකාර ලබා ගනිමින් සිටී. මැලේසියාවේ ශ්‍රී ලංකා මහ කොමසාරිස්වරයාට පසුගිය 04දා ක්වාලාලම්පූර් ජාත්‍යන්තර ගුවන්තොටුපළේ දී පුද්ගලයන් කණ්ඩායමක් විසින් පහරදී ඇති බවට වූ වාර්තා විදේශ කටයුතු අමාත්‍යාංශය තහවුරු කර ඇත.
ක්වාලාලම්පූර්හි පිහිටි ශ්‍රී ලංකා මහ කොමසාරිස් කාර්යාලය, වැරදිකරුවන් හඳුනා ගැනීම සඳහා සහ විමර්ශන කටයුතුවලට සහාය ලබාදීම සඳහා මැලේසියාවේ නීතිය බලාත්මකිරීමේ බලධාරීන් හා මීට අදාළ වෙනත් බලධාරීන් සමඟ කටයුතු සම්බන්ධීකරණය කරමින් සිටියි.
ශ්‍රී ලංකාවේ විදේශ කටයුතු අමාත්‍යාංශය, මෙම සිදුවීමේ බරපතලකම අවබෝධ කරගන්නා අතර මේ සම්බන්ධයෙන් රාජ්‍යතාන්ත්‍රික මාර්ග ඔස්සේ ගතයුතු සියලු පියවර ගනු ලබමින් සිටින බවත් විදේශ කටයුතු අමාත්‍යංශය වැඩිදුරටත් සඳහන් කරයි.
