කාන්තා අංශයේ පැවති අවසන් මහා තරගයෙන් දකුණු නාවික විධානය ශූරතාවයත්, නැගෙනහිර නාවික විධානය අනුශූරතාවයත් දිනා ගත් අතර, උතුරු නාවික විධානය එහි තෙවන ස්ථානය හිමි කර ගැනීමට සමත්විය.
තරගාවලියේ දක්ෂතම ක්‍රීඩකයාට හිමි කුසලානය පුහුණු විධානය නියෝජනය කළ ශිෂ්‍යභට නිලධාරී කේ.ඩබ්ලිව්.එම්.අයි.එස්. රාජපක්ෂ දිනාගත් අතර, දක්ෂතම ක්‍රීඩිකාවට හිමි කුසලානය දකුණු නාවික විධානයේ බල ශාරීරික අභ්‍යාසක පී. දිලානි විසින් දිනා ගන්නා ලදී.
තරගාවලියේ ප්‍රධාන ආරාධිත අමුත්තා වශයෙන් සහභාගි වූ නාවික හමුදාපති වයිස් අද්මිරාල් රවීන්ද්‍ර විජේගුණරත්න මහතා අතින් ජයග්‍රාහකයන් හට කුසලාන ප්‍රදානය කෙරිණි. මෙම අවස්ථාවට බටහිර නාවික විධාන ආඥාපති රියර් අද්මිරාල් දයානන්ද නානායක්කාර, බටහිර විධානයේ ජ්‍යෙෂ්ඨ නිලධාරීන් සහ නාවිකයන් විශාල පිරිසක් ද සහභාගි වූ අතර, අසූව දශකයේ නාවික හමුදා රග්බි කණ්ඩායම නියෝජනය කළ ක්‍රීඩකයන් ද මෙම පිරිසට එක් විය.
තරගය නැරඹීම සඳහා පැමිණි නාවික හමුදා රග්බි කණ්ඩායමේ පැරණි සාමාජිකයන් හට සිය කෘතවේදීත්වය පළකරමින් නාවික හමුදාපතිතුමන් විසින් සමරු තිළිණ ප්‍රදානයක් සිදු කෙරුණු අතර, එහිදී ඔවුන් විසින් ද නාවික හමුදාපතිතුමන් වෙත සමරු තිළිණයක් ප්‍රදානය කෙරිණි. අනතුරුව නාවික හමුදාපතිතුමන් එම ක්‍රීඩකයන් හා සමූහ ජායාරූපයකට ද පෙනී සිටියේය.
DB
