අතුරුදන් වූ මැලේසියානු ගුවන් යානය සෙවීමේ යෙදී සිටින චීන යානයකට දකුණු ඉන්දියානු සාගරයේ දි යම් වස්තුවක් නිරීක්ෂණය වී ඇති බව එහි කාර්ය මණ්ඩලය ප්‍රකාශ කරයි. එය සුදු පැහැති චතුරශ්‍රාකාර දෙයකි. අතුරුදන් වූ මැලේසියානු ගුවන් යානයේ කැබලි තිබිය හැකියැයි චන්ද්‍රිකා ඡායාරූප මගින් හඳුනා ගෙන ඇති මුහුදු කලාපයේ දී එය නිරීක්ෂණය වී ඇතැයි ෂිංහුවා පුවත් සේවය වාර්තා කරයි.
මේ බව මෙම යානය සෙවීමේ නිරත බහු ජාතික කණ්ඩායම් සම්බන්ධීකරණයේ යෙදෙන ඕස්ට්‍රෙලියානු මධ්‍යස්ථානයට ද දන්වා ඇත.මේ අතර කළු පෙට්ටි සෙවීමට හැකි විශේෂීත උපකරණයක් මේ ප්‍රදේශයට අද යැවීමට ඇමරිකාව සූදානමින් සිටී.චීනයට අයත් විශේෂ නෟකාවක්ද එම ප්‍රදේශයට යොමු කොට ඇත.
SP
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
