නුවරඑළිය දිස්ත්‍රික් ළමා හා කාන්තා සංවර්ධන ඒකකය විවෘත කිරීම පසුගියදා ළමා සංවර්ධන හා කාන්තා කටයුතු අමාත්‍ය තිස්ස කරලියද්ද මහතාගේ ප්‍රධානත්වයෙන් නුවරඑළිය දිස්ත්‍රික් ලේකම් කාර්යාලයේදී සිදු කෙරිණි.
මෙය මධ්‍යම පළාතේ ප්‍රථම ළමා හා කාන්තා සංවර්ධන ඒකකයයි. මීට සමගාමීව මාර්තු 08 දිනට යෙදුණු ලෝක කාන්තා දිනය වෙනුවෙන් සංවිධානය කළ දේශන මාලාවක්ද දිස්ත්‍රික් ලේකම් කාර්යාල ශ්‍රවණාගාරයේදී පැවැත්විණි.
මේ අවස්ථාවට නුවරඑළිය දිස්ත්‍රික් පාර්ලිමේන්තු මන්ත්‍රී රාධක්‍රිෂ්ණා, ළමා හා කාන්ත කටයුතු අමාත්‍යාංශයේ අතිරේක ලේකම් අශෝකා අගලවත්ත, නුවරඑළිය දිස්ත්‍රික් අතිරේක ලේකම් මල්ලිකා අමරසේකර යන මහත්ම මහත්මීහු එක්ව සිටියහ.
NDH/SH-dmu Nuwaraeliya
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
