මෙම ව්‍යාපෘතිය යටතේ වර්ග අඩි 550ක ඉඩ ප්‍රමාණයකින් යුත් දෙමහල් වතු නිවාස 100ක් ඉදිකරනු ලබන අතර මෙම සෑම නිවාසයක් ම ආලින්දය, කෑම කාමරය, නිදන කාමර දෙකක්, මුළුතැන්ගෙය හා සියලු ම සනීපාරක්ෂක පහසුකම්වලින් සමන්විතය.
එසේ ම මෙම නිවාසයන් ආශ්‍රිත ව අනෙකුත් සියලු ම යටිතල පහසුකම් ද මෙම ව්‍යාපෘතියට අන්තර්ගත වේ.
නාගරික සංවර්ධන අධිකාරිය විසින් මෙම ව්‍යාපෘතියේ සියලු ම සැලසුම් හා ඉදිකිරීම් කටයුතු සිදු කරනු ලබයි.
මේ සඳහා පශු සම්පත් හා ග්‍රාමීය ප්‍රජා සංවර්ධනය පිළිබඳ අමාත්‍ය ආරුමුගම් තොන්ඩමාන් මහතා ඇතුළු ව ප්‍රදේශයේ සිටින ජනතා නියෝජිතයන් හා මෙම ව්‍යාපෘතිය මගින් ප්‍රතිලාභ ලබන වතු සේවකයෝ විශාල ප්‍රමාණයක් ද සහභාගී වී සිටියහ.
