ශ්‍රී ලංකා මහ බැංකුවේ අතිරේක අධ්‍යක්ෂ ඒ.එම්.ආර්.කේ. අත්තනායක මහතාගේ ප්‍රධානත්වයෙන් පැවති මෙම වැඩමුළුවේ දී කුඩා ව්‍යාපාර ක්ෂේත්‍රය හා මූල්‍ය කටයුතු සම්බන්ධව දැනුවත් කිරීම මෙන්ම සෙපි ණය ක්‍රමය සම්බන්ධයෙන් ව්‍යවසායකයන්ට මෙන් ම බැංකු කේෂ්ත්‍රයට ද ඇති ගැටලු පිළිබඳව ඳ සාකච්ඡා කෙරිණි.
වෘත්තීය පුහුණු අධිකාරියේ බණ්ඩාරවෙල කාර්යාලය මගින් සංවිධානය කළ මෙම වැඩමුළුව සඳහා වෘත්තීය පුහුණු අධිකාරිය, කාර්මික විද්‍යාල, ජාතික ආධුනිකත්ව හා කාර්මික පුහුණු කිරීමේ අධිකාරිය සහ ජාතික තරුණ සේවා සභාව යන ආයතනවල බදුල්ල, මොනරාගල හා නුවරඑළිය දිසත්‍රික් ප්‍රධානීන් එම ආයතනවලින් විවිධ වෘත්තීය පුහුණු ලබා ස්වයං රැකියා හා කුඩා ව්‍යාපාර කේෂ්ත්‍රයට පිවිසි තරුණ තරුණියන් විශාල පිරිසක් බැංකු හා මූල්‍ය ආයතන නියෝජිතයන් ඇතුළු විශාල පිරිසක් ද, යෞවන කටයුතු හා නිපුණතා සංවර්ධන අමාත්‍යාංශයේ අධ්‍යක්ෂ (වෘත්තීය පුහුණු) ඩබ්.ආර්.ඒ.එන්.එස්. විජයසිංහ මහතා ඇතුළු ආරාධිත අමුත්තන් පිරිසක් ද සහභාගී වූහ.
DB/SH - dmu badulla
