වාර්ෂික කඨින චීවර පූජා මහෝත්සවය මෙවරත් දැඩිගම ශ්‍රී විජිතවංශාරාමය, කිරිවන්දල ශ්‍රී විද්‍යා සංවර්ධන පිරිවෙන් විහාරස්ථානය යන උභය විහාරාධිපති, පිරිවේණාධිපති ශාස්ත්‍රෙව්දී ගෞරව පූජ්‍ය පුවක්පිටියේ සිරි ගුණාදස්ස හිමිපාණන් වහන්සේගේ අනුශාසනා පරිදි විහාරාධිකාරි පූජ්‍ය උඩවෙල රතන සාගර හිමියන්ගේ මෙහෙයවීමෙන් අද (22) සර්ව රාත්‍රික පිරිත් සජ්ඣායනාවක් පැවැත්වේ. හෙට 50 නමකට අධික මහා සංඝරත්නය උදෙසා සඟ සතු දහවල් දානමය මහා පින්කම් ද එදින සවස 6.00ට බෝධි පූජාව සහ පුණ්‍යානුමෝදනාවෙන් අනතුරුව රාත්‍රි 7.00ට කඨීනානිශංස ධර්ම දේශනාවක් පූජ්‍ය කටහනේ ආරියධම්ම හිමිපාණන් වහන්සේ විසින් සිදු කෙරේ.
චෛත්‍ය රාජයාණන් ඉදිකිරීම ලක්ෂ්මන් නිරිඇල්ල මහතාගේ මූලික ධන පරිත්‍යාගයෙන් සිදු කෙරුණු අතර කඨින පිංකමේ දායකත්වය ජොස්ලින් උපාසිකා මාතාව ඇතුළු පවුලේ සැම විසිනි.
DB
