බතලගොඩ වී පර්යේෂණ හා සංවර්ධන ආයතනය විසින් සංවිධානය කරනු ලබන “ක්ෂේත්‍ර දැක්ම - 2014“ යනුවෙන් නම් කර ඇති ගොවීන් සඳහා වන ක්ෂේත්‍ර දිනය අගෝස්තු 01 දින පෙ.ව. 8.30 සිට ප.ව. 4.30 දක්වා පර්යේෂණායතන පරිශ්‍රයේදී පැවැත්වේ.
අපනයනයට සුදුසු ප්‍රභේද හඳුනා ගැනීම හා අභිජනනය, නියඟයට /උෂ්ණත්වය වැඩිවීමට හා රෝග පලිබෝධ හානිවලට ඔරොත්තු දෙන ප්‍රභේද, පොස්පරස් පොහොරවල බලපෑම, නව දෙමුහුම් ප්‍රභේද අභිජනනය හා නව තාක්ෂණික ක්‍රම අත්හදා බැලීම ආදී ක්ෂේත්‍ර ආදර්ශන මෙයට ඇතුළත් වේ.
නිලධාරීන් සඳහා වන විශේෂ ක්ෂේත්‍ර දිනයක් ද ලබන අගෝස්තු 07 වන දින මෙම පර්යේෂණායතන ක්ෂේත්‍රයේදී පැවැත්වීමට නියමිතය.
NDH
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
