කුඹුරු හෙක්ටයාර 6571 ක් වගා කිරීම සඳහා ගොවීන් 15934 දෙනෙකුගේ ගිණුම්වල අදාළ මුදල් මේ වන විට තැන්පත් කර ඇති බව ඒ මහතා වැඩිදුරටත් පැවසීය.
මාතර දිස්ත්‍රික්කයේ ගොවිජන සේවා බල ප්‍රදේශ 22 හි ගොවීන් තම ගිණුම් ආරම්භ කර ඇති බැංකු 14 ක එම මුදල් තැන්පත් කිරීමට පියවර ගෙන තිබේ.
පසුගිය යළ කන්නයේ පොහොර සහනාධාරය ලබාගෙන වගා නොකළ හෙක්ටයාර් 8229 ක් සඳහා මෙවර පොහොර සහනාධාරය හිමි නොවන අතර පසුගිය කන්නයේ ලබාගත් සහනාධාර මුදල මේ කන්නය සඳහා හිලව් කෙරේ. ඒ අනුව මෙවර මහ කන්නයේ මාතර දිස්ත්‍රික්කයේ වී වගා ඉලක්කය හෙක්ටයාර් 14800 ක් වනු ඇත.
කුඹුරු අක්කරයක් සඳහා රුපියල් 5000 කි. හෙක්ටයාර 02 ක (අක්කර 05) උපරිමයකට යටත්ව එක් වී වගා කන්නයකට රුපියල් 25000 බැගින් ලබා දේ. ඒ අනුව වී වගා කන්න දෙක සඳහා රුපියල් 50000 ක මුදලක් හිමි වේ.
