වසර 35කට පසු සිංහල, දමිළ සහ මුස්ලිම් ජාතින්ගේ එකමුතුවෙන් මඩකලපුවේ පවත්වන ප්‍රථම වැඩසටහන මෙය වන අතර සිසු දරුවන් 500දෙනෙකුට පාසැල් උපකරණ බෙදා දීමට අමතරව මඩකලපු දිස්ත්‍රික් රණවිරු දූ දරුවන් සඳහා ශිෂ්‍යත්ව ලබාදීම ද, තෝරා ගත් රණවිරු පවුල් සාමාජිකයින් සඳහා මහන මැෂින් සහ සිංගර් ශ්‍රී ලංකා ආයතනය මගින් මැහුම් පුහුණු පාඨමාලා හැදෑරීම සඳහා ශිෂ්‍යත්ව ලබදීම ද මෙහිදී සිදු කිරිමට අපේක්ෂිතය.
මෙම වැඩසටහන නැගෙනහිර පළාත් ආණ්ඩුකාරතුමා, නැගෙනහිර පළාත් ප්‍රධාන අමාත්‍යතුමා, රණවිරු සේවා අධිකාරියේ සභාපතිනි අනෝමා ෆොන්සේකා, උප සභාපති උපුලාංගනී මාලගමුව සහ ත්‍රිවිධ හමුදා සහ පොලිස් ප්‍රදේශ භාර නිලධාරීන් ඇතුළු ආරාධිතයන්ගේ සහභාගිත්වයෙන් පැවැත්වීමට නියමිතය.
මෙම වැඩසටහන සංවිධානය කිරීමේ මුලික කටයුතු රණවිරු සේවා අධිකාරියේ නැගෙනහිර පළාත් නියෝජ්‍ය අධ්‍යක්ෂ නිශාන්ත කමලසිරි මහතාගේ සහ මඩකලපු දිස්ත්‍රික් නිලධාරිනි ගීතිකා ජයවර්ධන මහත්මියගේ දායකත්වයෙන් සිදුවිය.
මෙම වැඩසටහනට අමතරව මෙහිදී මඩකලපු දිස්ත්‍රික් රණවිරු සංසද සුහද හමුව සහ ප්‍රජා සහයෝගිතා වැඩසටහනක් ද පැවැත්වීමට රණවිරු සේවා අධිකාරිය විසින් සංවිධානය කර ඇත.
