ලබන පෙබරවාරී 03 වැනි දා සිට බලපැවැත්වෙන තොරතුරු දැනගැනීමේ පනත පිළිබඳව කෑගලු දිස්ත්‍රික් රාජ්‍ය නිලධාරීන් දැනුවත් කිරීමේ වැඩසටහනක් පසුගිය දා කෑගල්ල දිස්ත්‍රික් ලේකම් කාර්යාලයේ දී පැවති බව කෑගල්ල දිස්ත්‍රික් මාධ්‍ය ඒකකය සඳහන් කරයි.
සම්පත්දායකයන් ලෙස කෑගල්ල අතිරේක දිස්ත්‍රික් ලේකම් ප්‍රභාත් උදාකර මහතා සහ සහකාර දිස්ත්‍රික් ලේකම් සමන් අනුර මහතා එක්ව සිටියහ.
තොරතුරු දැනගැනීමේ පනතේ ඉතිහාසය, ලෝකය පුරා වත්මන් ක්‍රියාකාරීත්වය හා රාජ්‍ය නිලධාරීන් එයට අනුගත වන්නේ කෙසේද යන්න පිළිබඳව දේශන පැවැත් වූ බව එම දිස්ත්‍රික් මාධ්‍ය ඒකකය සඳහන් කරයි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
