ජාතික ආපදා සහන සේවා මධ්‍යස්ථානය විසින් ගාල්ල දිස්ත්‍රික්කයේ ආපදාවෙන් විපතට පත්වූ පවුල් දෙකක් සඳහා ඇල්පිටිය සහ නාගොඩ ප්‍රාදේශීය ලේකම් කොට්ඨාසවල ඉදිකල නිවාස දෙකක් නිවෙස් හිමිකරුවන්ට ප්‍රදානය කළ බව ගාල්ල දිස්ත්‍රික් මාධ්‍ය ඒකකය සඳහන් කරයි.
නිවාස හිමිකරුවන් වෙත මෙම ප්‍ර‍දානයන් ලබා දීම එම දිස්ත්‍රික් ලේකම්වරුන් අතින් පසුගියදා සිදු කෙරිණි.
මෙම නිවෙස් ඉදිකරිම සඳහ මූල්‍යාධාර ඕමාන් රජය විසින් පරිත්‍යාග කොට ඇත. පසුගිය වසරේ ජුනී මාසයේ මෙම ඉදිකිරීම් කටයුතු ආරම්භ කල අතර එක් නිවෙසක් ඉදිකිරීම සඳහා රු ලක්ෂ 05ක මුදලක් වැය කොට ඇත. මේ අවස්ථාව සඳහා ආපදා සහන සේවා නිලධාරීන්, ග්‍රාම නිලධාරීන් ඇතුළු නිලධාරීන් කිහිපදෙනෙක්ද සහභාගී වී සිටිය හ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
