මෙවර යල කන්නයේ මාතලේ දිසාවේ වී මිලදී ගැනීමේ වැඩ පිළිවෙල වේගවත් කිරීමට අවශ්‍ය සියලු පියවර ගෙන තිබෙන බවත් මේ අනුව මාතලේ දිස්ත්‍රික්කයේ වී මිලදී ගැනීම සදහා
ගලේවෙල කනාදන, දඹුල්ල, පැල්වැහැර සහ කණ්ඩලම, විල්ගමුව නාගොල්ල සහ හදුන්ගමුව ගබඩා වලට අවශ්‍ය නිලධාරීන් සපයා ඇති බවත් නීල් ද අල්විස් මහතා වැඩි දුරටත් පැවසීය.
මිලදී ගන්නා වී පොලොන්නරුව ගබඩා වෙත ප්‍රවාහණය කිරීම පිණිස ලොරි රථ 30 ක් යොදවා ඇත.පසුගිය 01 දා වන විට මාතලේ දිස්ත්‍රික්කයේ වී මෙට්ට්‍රික් ටොන් 4150 ක් ගබඩාවලට ලැබී ඇති අතර ඉන් මෙට්‍රික් ටොන් 3900 ක් නාඩු වන අතර මෙට්ට්‍රක් ටොන් 250 ක් සම්බා වේ.
දැනට දඹුල්ල සහ ගලේවෙල ගබඩාවලට දිනකට මෙට්ට්‍රික් ටොන් 40 ක් පමණ ලැබෙන විට විල්ගමුව කොට්ඨාශයේ නාගොල්ල සහ හදුන්ගමුව ගබඩාවලට දිනකට මෙට්ට්‍රික් 250 ක් පමණ ලැබෙන බවද දිස්ත්‍රික් ලේකම් වරයා පැවසීය .
තදබදයක් පවතින ගබඩාවල මිලදී ගැනීමේ ධාරිතාව වැඩිකිරීමට අවශ්‍ය නිලධාරීන් යොදවා ඇති අතර අදාල ප්‍රාදේශිය ලේකම්වරුන්ගේ සම්බන්ධිකරණයෙන් මිලදී ගැනීමේ වැඩපිළිවෙල කඩිනම් කර ඇත.
AP/DMU-Matale
