උතුරු නාවික ප්‍රදේශයේ ආඥාපති රියර් අද්මිරාල් එරික් ජයකොඩි මහතා මෙම අවස්ථාව සඳහා ප්‍රධාන ආරාධිතයා ලෙස සහභාගගී වූ අතර කයිට්ස් දිස්ත්‍රික් ලේකම් බාබු මහත්මිය, කයිට්ස් හි සෞඛ්‍ය වෛද්‍ය නිලධාරී වෛද්‍ය එම්.ආර්.එස්. ආනන්දරාජා සහ ත්‍යාගරාජා මධ්‍ය මහා විද්‍යාලයේ විදුහල්පතිතුමා ද මෙම ආරම්භක අවස්ථාව සඳහා සහභාගී වූහ.
දීර්ඝ කාලයක සිට දිවයිනේ බොහෝ ප්‍රදේශවල ජීවත්වන සිවිල් වැසියන්ගේ එදිනෙදා කටයුතු සිදුකර ගැනීමේලා ඔවුන්ට තනිව සංවිධානය කරගත නොහැකි ඔවුන්ගේ ප්‍රධාන අවශ්‍යතාවන් හඳුනාගෙන එකී ජනතාව වෙනුවෙන් තමන්ට කළහැකි සමාජ මෙහෙවර ඉටුකිරීමේ අරමුණින් යුතු ව ශ්‍රී ලංකා නාවික හමුදාව විසින් මෙම හෘද රෝග සායනය සංවිධානය කරන ලදී.
ආසිරි හෘද රෝග මධ්‍යස්ථානයේ වෛද්‍ය විවේක් ගුප්තා ඇතුළු විශේෂ වෛද්‍ය කණ්ඩායමක්, හෙද කණ්ඩායමක් හා රෝග විනිෂ්චය සඳහා අවශ්‍ය තාක්ෂණික සහායක කණ්ඩායමක්ද මේ සඳහා සහභාගී වූහ.
NDH/mod
