ඒ අනුව මෙවර පොසොන් සතිය අදින් (30) ආරම්භ වන අතර එය ලබන ජුනි 05දා දක්වා ක්‍රියාත්මක වන අතර "මිහිදු බණ පිළිපදිමු" යන්න මෙවර තේමාව වී ඇත.
අද සවස ඉසුරුමුණි විහාරයෙන් පැන් පෙරහැර ආරම්භ වන අතර පසුව මහමෙව්නා උයනේ පිහිටුවා ඇති පිරිත් මණ්ඩපයේ දී පිරිත් පේ කිරිමෙන් අනතුරුව සති පිරිත් පිංකම ආරම්භ කිරිමට නියමිතය. ජුනි 05දා දක්වා සති පිරිත පැවැත්වේ. දොරකඩ අස්න කියවීම ජුනි 06දා සිදු කෙරේ.
මෙම කාලය තුළ විවිධ ආගමික වැඩසටහන් ක්‍රියාත්මක කරන අතර පොසොන් දිනයේ සංගීත සංදර්ශන ආදි වැඩසටහන් නොපවත්වන ලෙසට ත් ආගමානුකූල පිළිවෙත් සඳහා ජනතාව යොමු කරන ලෙසත් බෞද්ධ කටයුතු දෙපාර්තමේන්තුව ප්‍රාදේශීය ලේකම්වරුන් වෙත චක්‍ර ලේඛයක් නිකුත් කරමින් දැනුම් දී ඇත.
DB
