මෙහිදී දෙරට අතර පවතින මිත්‍ර සබඳතා තර කර ගනිමින්, ශ්‍රී ලංකාවේ කෘෂිකාර්මික අංශය වර්ධනය කර ගැනීම සම්බන්ධයෙන් සාකච්ජා කළේය. චීනය සහ ශ්‍රී ලංකාව අතර තාක්ෂණික වශයෙන් දැනුම හුවමාරු කරගැනීමෙන් කෘෂි ක්ෂේත්‍ර‍ය ඉහළ නැංවීමට ද චීන රජය කැමැත්ත පළ කර සිටියේය.
ලංකාවේ වාර්ෂික පොහොර අවශ්‍යතාව වෙනුවෙන් යූරියා මෙට්‍රික් ටොන් 3,75 000ක් පමණ ආනයනය කරනු ලබන්නේ චීනයෙන් වන නිසා සහන මිලකට එම පොහොර මිලදී ගත හැකි වේ නම් ඉදිරියට වඩාත් සහනදායි මිලට ගොවීන් වෙත පොහොර ලබාදීමට හැකිවනු ඇති බවට අමාත්‍යතුමා මෙහිදී කියා සිටියේය. එහිදී චීන තානාපති යී සියෑන් ලියෑන් මහතා පවසා සිටියේ මේ සම්බන්ධයෙන් චීන රජය දැනුවත් කිරීමෙන් අනතුරුව ඉදිරි කටයුතු පිළිබඳ තීරණ ගත හැකි බවයි.
දෙරට අතර දිගුකාලීන මිත්‍ර සබඳතා වැඩිදියුණු කරගනිමින් ශ්‍රී ලංකා රජය සමඟ එක්ව කටයුතු කිරීමට තම රජය කැමැත්තෙන් සිටින බව මෙහිදී නව චීන තානාපතිවරයා වැඩිදුරටත් සඳහන් කළේය.
මෙම අවස්ථාව සඳහා මෙරට චීන තානාපති කාර්යාලයේ දේශපාලන සම්බන්ධතා පිළිබඳ ලේකම් මෙන්ග් බින් මහතා ද සහභාගී විය.
