වර්තමානයේ ඇතමුන් විදේශ රටවල් හරහා මෙරට ආණ්ඩු පිහිටුවීමට උත්සාහ දරන බව සඳහන් කළ ජනාධිපතිතුමා පෙන්වා දුන්නේ ජනතාවට ඇති අයිතිය වෙනත් කිසිවෙකුට ලබාදීමට තමා සූදානම් නොමැති බවයි.

කුඩා රබර් වතු හිමියන් සමඟ ඊයේ (20) දහවල් අරලිය ගහ මන්දිරයේ පැවැති හමුවකට එක්වෙමින් ජනාධිපති මහින්ද රාජපක්ෂ මැතිතුමා මෙම අදහස් පළ කළේය.

එහිදී තවදුරටත් අදහස් දැක්වූ ජනාපධිතිතුමා සඳහන් කළේ එකමුතුව පක්ෂය තුළ නායකත්වයක් තෝරාගත නොහැකි පිරිසකට රටට ද නිවැරදි නායකත්වයක් ලබාදිය නොහැකි බවයි.

රටේ ජනතාවට ද ඔවුන් පිළිබඳ විශ්වාසයක් තැබීමට නොහැකි බව සඳහන් කළ ජනාධිපතිතුමා රට සංවර්ධනය කර රටේ ප‍්‍රජාතන්ත‍්‍රවාදය ආරක්ෂා කළ වත්මන් රජය සැමදා රටේ ජනතාවගේ විශ්වාසය දිනාගත් බව වැඩිදුරටත් කියා සිටියේය.

NDH/priu