රාජ්‍ය අමාත්‍යවරයා මේ බව ප්‍රකාශ කළේ අද (08) පාර්ලිමේන්තුවේ දී ප්‍රකාශ කළේ, ශ්‍රී ලංකා තිරසාර සංවර්ධන පනත් කෙටුම්පත විවාදයට එක්වෙමිනි.
තිරසර සංවර්ධන සභාවක් පිහිටුවීමට මෙමඟින් කටයුතු කරනවා. තිරසර සංවර්ධනය සම්බන්ධිකරණය කිරීමට එය වැදගත් වෙනවා. 2030 වනවිට ඉලක්ක ගත සංවර්ධන සැළසුමකට යාමට මේ පනත මඟින් අපි බලාපොරොත්තු වෙනවා. ප්‍රමිතීන් අනුව සංවර්ධනයවීම ඉතාම වැදගත් වෙනවා.
රාජ්‍ය ආයතනත් මේ තුළිත් සම්බන්ධීකරණය වෙනවා. විවිධ පුද්ගලයින් සංවර්ධන ක්‍රියාවලියි හවුල්වී සිටිනවා. නව තාක්ෂණය, නව දැනුම එනවිට ලෝකය වෙනස් වන විට එයට මුහුණදීමට අපිට යාන්ත්‍රණයක් අවශ්‍යයි. ලෝකයේ සිටින අනෙකුත් රටවල් සමඟ තරඟකාරීත්වයෙන් තමයි ගෝලීය ආර්ථිකය තුළ දියුණු විය හැක්කේ. නැතිනම් දූපත් මානසිකත්වයෙන් මිදී කටයුතු නොක‍ළහොත් රටක් සංවර්ධනය වෙන්නේ නැහැ. අපේ සමාජීය, සංස්කෘතිය ආරක්ෂා කරගනිමින් අනන්‍යතාවය රැක ගනිමින් ගෝලීය ආර්ථිකය ජයගැනීමට මෙම වැඩපිළිවෙළ ඔස්සේ නිර්මාණය කළ හැකි යැයි ද රාජ්‍ය අමාත්‍යවරයා පැවසී ය.
