අද පස්වරුවේ පැල්පොල විපස්සි පදනම් මූලස්ථානය වෙත ගිය ජනාධිපතිතුමා පළමුව ආගමික වතාවත් වල නිරත වූ අතර අනතුරුව සමරු ඵලකය නිරාවරණය කර අභිනව සිවුමහල් මන්දිරය විවෘත කළේය.
අඩසිය වසරකට වැඩි කාලයක සිට රටට, සම්බුද්ධ ශාසනයට මෙන්ම ප‍්‍රදේශවාසී ජනතාවට මහඟු සේවයක් ඉටුකරනු ලබන පූජ්‍ය පැල්පොල විපස්සි හිමිපාණන් වහන්සේට මෙහිදී ජනාධිපතිතුමා සිය ජන්ම දින සුබ පැතුම් පිරිනමනු ලැබීය.
කෝට්ටේ ශී‍්‍ර කල්‍යාණි සාමගී‍්‍ර ධර්ම මහා සංඝ සභාවේ මහානායක ආචාර්ය පූජ්‍ය ඉත්තෑපානේ ධම්මාලංකාර නායක ස්වාමින් වහන්සේ ප‍්‍රමුඛ මහා සංඝරත්නය ද අමාත්‍ය රවී කරුණානායක මහතා ඇතුළු පළාත් මැති ඇමතිවරු පිරිසක් ද මෙම අවස්ථාවට එක්ව සිටියහ.
