ගුවන් හමුදාව සතු හැකියාවන් සහ දක්ෂතාවයන් ජාතික හා ජාත්‍යන්තර වශයෙන් වැදගත් වන ආකාරය මෙහිදී ප‍්‍රදර්ශනය කෙරෙන අතර ගුවන් හමුදාවේ කාර්ය භාරය විදාහ දැක්වීම සහ ගුවන් හමුදාවේ සම්පත් ද මෙහිදී ප‍්‍රදර්ශනය කෙරේ.
මීට අමතරව මහජනතාව වෙනුවෙන් හදිසි ආපදා තත්ත්වයන්හිදී හා ස්වාභාවික ව්‍යසනයන්හිදී ගුවන් හමුදාව කි‍්‍රයා කර ඇති ආකාරය මෙන්ම එම සේවාවන් අන්තර් ජාතික වශයෙන් සිදු කරන ආකාරය නිදර්ශනාත්මකව පෙන්වීමට ද මෙම ප‍්‍රදර්ශනය තුළින් කටයුතු කෙරේ.
ගුවන් යානා, ගුවන් කරණම්, පැරෂුට් සංදර්ශන, රෙජිමේන්තු විශේෂ බළකාය විසින් ඉදිරිපත් කරනු ලබන ගොඩබිම් සටන්, තූර්ය වාදන හා සරඹ, සංස්කෘතික සංදර්ශනවලින් සමන්විත මෙම ප‍්‍රදර්ශනය සහ සැණකෙළිය ඊයේ සහ අද ( 05) සවස 2.30 සිට රාති‍්‍ර 11.00 දක්වා පැවැත්වේ.
ප‍්‍රදර්ශන කුටි විවෘත කළ ජනාධිපතිතුමා ගුවන් හමුදා සංදර්ශනය නැරඹීමට ද එක්විය.
