ඕස්ට්‍රේලියානු ප්‍රවෘත්ති වෙබ් අඩවියක් වන සිඩ්නි මෝනිං හෙරල්ඩ් හි (Sydney Morning Herald) පසුගිය 24 පළ වූ ප්‍රවෘත්තියකට අනුව ජනාධිපති මෛත්‍රීපාල සිරිසේන මැතිතුමා 2009 වර්ෂයේ දී කෘෂිකර්ම සහ ගොවිජන සේවා අමාත්‍යවරයා වශයෙන් කටයුතු කළ අවදියේ දී එතුමාගේ කාර්ය මණ්ඩල නිලධාරියෙකු හා සම්බන්ධව සිදු වූවා යැයි පැවසෙන සිද්ධිය පිළිබඳ ජනාධිපති මෛත්‍රීපාල සිරිසේන මැතිතුමාගේ පුද්ගලික අවධානය යොමුව ඇත.
එවැනි සිද්ධියක් පිළිබඳව තමාගේ කිසිදු සම්බන්ධයක් හෝ දායකත්වයක් නොමැති බව ප්‍රකාශ කරන ජනාධිපතිතුමා ඉහත කී ප්‍රවෘත්තිය සම්බන්ධයෙන් වැඩිදුරටත් අවශ්‍ය ක්‍රියාමාර්ග ගැනීම සඳහා නීතිපතිවරයාට උපදෙස් දී ඇති බව දන්වා සිටින අතර තමාගේ දේශපාලන ජීවිතයේදී කිසි දිනෙක එවැනි දූෂිත, අක්‍රමිකතාවයන් සඳහා මැදිහත්වීමක්, අනුබලයක් හෝ සම්බන්ධයක් සිදු වී හෝ සිදු කර නොමැති බව වැඩිදුරටත් දන්වා සිටී.
pmdnews.lk
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
