දකුණු කොරියාවේ සියොල් පුරවරයේ ගොයං නගරයේ පිහිටි කොරියා ජාත්‍යන්තර ප්‍රදර්ශන මධ්‍යස්ථානයේ දී පැවති 107 වන ජාත්‍යන්තර රොටරි සමුළුවේ සමාරම්භක උත්සවය අවස්ථාවේ දී ශ්‍රී ලංකා අග්‍රාමාත්‍ය රනිල් වික්‍රමසිංහ මහතා එක්සත් ජාතීන්ගේ සංවිධානයේ මහලේකම් බන් කී මූන් සහ දකුණු කොරියානු අග්‍රාමාත්‍ය හ්වං ක්යොආන් යන මහත්වරුන් හමු විය.
ඔවුහු සමාරම්භක උත්සවයට පෙර කෙටි සුහද පිළසඳරක නිරත වූහ.
ලෝකය පුරා සිටින රොටරි සාමාජිකයන් පණස් දහසකට අධික පිරිසකගේ සහභාගීත්වයෙන් පැවති මෙම උත්සවයේ මුඛ්‍ය දේශනය වික්‍රමසිංහ මහතා විසින් පැවැත්වූ අතර, විශේෂ ආරාධිතයන් ලෙස එක්සත් ජාතීන්ගේ සංවිධානයේ මහලේකම් බන් කී මූන් සහ දකුණු කොරියානු අග්‍රාමාත්‍ය ගරු හ්වං ක්යොආන් මහත්වරුන් සහභාගී වූහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
