දශක තුනකට අධික කාලයක් උතුරු, නැගෙනහිර පැවැති ත්‍රස්තවාදී යුද්ධයේ දී දිවි දුන් විශේෂ කාර්ය බලකායේ නිලධාරීන් 406 දෙනකු සහ සිවිල් සේවකයන් 6 දෙනකු සිහිපත් කර එම සැමරුම් උත්සවය පවත්වනු ලැබූවේ 30 වැනි වරටය. 

එහිදී මියගිය සහකාර පොලිස් අධිකාරි ජයවර්ධන මහතාගේ දියණිය, ‍පොලිස් පරීක්ෂක සිල්වා, උප පොලිස් පරීක්ෂකවරුන් වන හෙට්ටිආරච්චි, සුමනදාස, ප්‍රේමරත්න, අනුර දීප්ති යන අයගේ දූ පුතුන් ද පොලිස් සැරයන්වරුන් වන පුෂ්පකුමාර, මංජුල, වික්‍රමරත්න, සිරිවර්ධන, ප්‍රේමසිරි සහ පොලිස් කොස්තාපල්වරුන් වන සුදත් කුමාර, ප්‍රභාෂ්වර, පියසේන, ප්‍රියන්ත සහ සිවිල් සේවක බන්දු යන අයගේ දූ දරුවන්ට මෙහිදී ශිෂ්‍යත්ව හිමිවිය. 

විශේෂ කාර්ය බලකාය ආරම්භයේ දී සිට එහි නිලධාරියකු වූ වර්තමාන පොලිස්පති එන්.කේ. ඉලංගකෝන් මහතා මෙහි දී කතා කරමින් නිලධාරින් 60 දෙනකුගෙන් ආරම්භ වූ විශේෂ කාර්ය බලකාය අද සාමාජිකයන් අට දහසකින් සමන්විත වෙයි. උතුරු නැ‍ගෙනහිර ත්‍රස්තවාදී භීෂණයේදී යුද හමුදාවට සහය පිණිස පිහිටුවන ලද මෙම විශේෂ කාර්ය බලකාය යුද්දෙන් පසු රටේ අපරාධ මැඬලීමට අවශ්‍ය මෙහෙයුම් වැටලීම් සිදුකරමින් ඒ සඳහා සුවිශේෂී දායකත්වයක් යොදවනු ලබයි. එහිදී යුද්ධයේ දී මෙන් රණ විරුවන් දැඩි කැපකිරීමෙන් වැඩ කර ඇති බව ද පොලිස්පතිවරයා පැවසීය.

මීට වසර සිය ගණනක සිට මෙරට අත්පත් කර ගැනීම සඳහා යුද්ධ කළ සෑම ආක්‍රමණිකයකුම පරාජය කර රට ආරක්ෂා කර ගත් ඉතිහාසයේ අපේ විරුවන්ගේ නාම ලැයිස්තුවට මෙසේ අද සිහිපත් කරන සෑම විශේෂ කාර්ය බලකා විරුවකුගේ ම නම ද එකතු වන බව ද ඔහු කීය.

NDH/mod