ජල සම්පාදන හා ජලාපවහන අමාත්‍ය දිනේෂ් ගුණවර්ධන මහතාගේ සභාපතීත්වයෙන් ශ්‍රී ලංකාවේ ජල සම්පාදන හා ජලාපවහන අමාත්‍යංශය, ජාතික ප්‍රජා ජල භාරය, ජාතික ජල සම්පාදන හා ජලාපවහන මණ්ඩලය සහ ලංකා වැසි ජලය රැස්කරන්නන්ගේ සංසදය සමඟ එක්ව සංවිධානය කරනු ලබන "ප්‍රජාව සහ ජල සේවා" පිළිබඳ 3වන ජාත්‍යන්තර සම්මන්ත්‍රණය අද (22) සිට 24 දක්වා මහනුවර දී පැවැත්වේ.
දින තුනක් පුරා පැවැත්වෙන මෙම සම්මන්ත්‍රණය "ප්‍රජා සංවර්ධනය සහ සෞභාග්‍ය උදෙසා ජලය" යන තේමාවෙන් පැවැත්වේ.
මෙම වසරේ එක්සත් ජාතීන්ගේ ප්‍රකාශනයේ තේමාව වන ජලය සහ බල ශක්තිය සනිටුහන් කිරීම සඳහා සහ පශ්චාත් - 2015 ස්ථිරසාර සංවර්ධන න්‍යාය පත්‍රය සඳහා වන කතිකාවතට සහය සැලසීම හා 2013 වසරේ අගෝස්තු මාසයේ අනුරාධපුර නගරයේ දී පැවති ප්‍රජා සංවර්ධනය
සඳහා ජල සහයෝගීතාව පිළිබඳ දෙවන ජාත්‍යන්තර සම්මන්ත්‍රණයේ කටයුතු ඉදිරියට ගෙන යාම පිණිස මෙම සම්මන්ත්‍රණය පැවැත්වේ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
